Titisee-Neustadt
Juni 2026
In Basel het`s 38°. Do het`s nüd a gnähmers geh, als Richtig Schwarzwald an Titisee z fahre.
S het guet do. Herrlig zum abschalte und durch die 6,7° Differänz, e Wohltat.
„Treschers Schwarzwaldhotel“
Das ältere Hotel isch 4 Stärn-Superior klassifiziert und liegt mit eigenem, privatem Zuegang dirägt am See.
Sisch immer wieder faszinierend, wenn me d Gschichte hinter so faszinierende und heimelige „Prachtstück“ nöcher a luegt.
Apropo „älter“: S Hauptgebäude isch anno 1887 baut worde. 1912-1914 hets de grossi Südflügel geh.
E dozumohl „modärni Glanzleischtig“ will jedes Zimmer e eigenes Badzimmer kriegt het.
Sit 1911 isch d Familie Treschers im Betrieb aktiv und führt unterdesse das Familieunternähme in 4er Generation.
Do i diesmohl e Zimmer mit Balkon und Blick uf de See gha ha, ha mr das nid loh entgoh, herrlich.
„Heimathafe“ nennt sich die Bar.
Eifach top. Für Jung, Alt und Jungbliebene.
Herrliche Sound ab de 10i am Morge, durchgehend bis Zobe am 10i.
Köschtlichkeite vo feine Snacks, top Drinks und wunderbarem Eiskaffi.
Do WM isch, sälbschtverständlig mit „Public-Viewing“.
