„Es paar Wort vu Härze„

„S Schicksal frogt nid um Erlaubnis, wenn`s zueschloot.
Aber es leert aim wie unfassbar wärtvoll s Lääbe si cha, wenn me sich`s wider zrugg erobere cha.“

Dr Usslöser und Grund worum i mi Website ins Lääbe gruefe ha, sin mini Memoire.
I ha einiges erläbt wo mi prägt het.
Zweimool het mi e Schutzängel am Chraage paggt und wider zrugg ins Lääbe gholt.
Ohni d Hilf vu mine Liebschte und jo, me muess es eso saage – mine Schutzängel, wär i nüm do.
Fir mi isch es e Wäg, zum mi Lääbe Revue passiere z loh und einigi Erläbnis e weneli z Verarbeite.

„Es git Augebligg im Lääbe, do hebt en Ängel für e churze Momänt d Zyt a,
damit mr dr richtig Wäg witter dörfe goo.“