„Memoire„

Scheen, luegsch yyne!

Do findsch Gschichte, Erläbniss und Momänt, wo mi Lääbe brägt hän. Mängs Erinnerig isch hüt e weneli wie ne alts Foti. Nümm ganz scharf, aber immer no voller Farb und Gfiel. Mini Wurzle sin z Basel am Rhy. Do wo alles a gfange het. Wurzle sind das, wo uns d Chraft git zum Wachse, egal wie wyt’s uns spöter in d Wält drayt. Z Basel am Rhy nimmt my Gschicht ihre Afang. Es sin Momänt us dr Chindheit, viel Erläbts und au einigi Tiefschleeg, Chömmed mit uf d Rais und sin gspannt.

Viel Vergniege!

Apropo Lääbensgschicht in Form vu Memoire, Biografie etc.

Wie chan i mini Erinnerige und das was i erläbt ha eso feschthalte, dass es für mini Mitmensche e interessante Lääsestoff, Zytgaischt, Inspiration oder villicht au Muet für sich sälber cha uslööse? Wie schaff is, dass mi Gschicht lääbig und voller Gfiel blybt, wenn me si liest? Das sin Frooge, wo sich Mensche stelle, wenn si uf ihri Vergangeheit zrugg luege. Biografie oder Memoire b halte die dütligschte Theme, die grosse Lääbensfrooge und all die Ydrigg fescht, wo aim prägt hänn.

„Jedi Lääbensgschicht verdient Memoire oder e Biografie.“

Wieso soll das nume für Lüt gälte wo „Rang und Name“ hän ? Au Du hesch e Name, e Gschicht. Jede Mensch erläbt e Eigeni wo`s wärt isch, z Verzelle. Meischtens sin`s die unschiinbare, perseenlige Gschichte us em Alltag, wo ein sälber und s Umfäld präge. So Gschichte zeige uuf, wie sich gwüssi Ereignis uf s Lääbe vu Mitmensche, uswirke chönne. Die glaine Gschichte zaige oft e viel ehrlichers Bild vo däm was passiert isch und wie e Gsellschaft Entscheidige troffe het, als d Biografie vo berüehmte Perseenligkeite. In däm mir sie uffschrybe, bhalte mir nit numme die aigni Gschicht, sondern au e Teil vo dr Zytgschicht.

„Lääbensgschichte sinn einzigartig.
Es isch genau die Viilfalt wo`s eso faszinierend macht.