Titisee-Neustadt – Juni 2026

Z Basel 38°. Do het`s nüd a gnähmers geh, als Richtig Schwarzwald an Titisee z fahre. S het guet do. Herrlig zum abschalte und durch die 6°/7° Differänz, e Wohltat.

„Treschers Schwarzwaldhotel“

Das ältere Hotel isch 4 Stärn-Superior klassifiziert und liegt mit eigenem, privatem Zuegang dirägt am See. Sisch immer wieder faszinierend, wenn me d Gschichte hinter so prachtvolle und schöne Prunktstügg nöcher a luegt. Apropo „älter“: S Hauptgebäude isch anno 1887 baut worde. 1912-1914 hets de grossi Südflügel geh. E dozumohl „modärni Glanzleischtig“ will jedes Zimmer e eigenes Badzimmer kriegt het. Sit 1911 isch d Familie Treschers im Betrieb aktiv und führt unterdesse das Familieunternähme in 4er Generation.

I bi s zweit mohl dört uf Bsuech gsi und eifach ab dere Gaschtfründschaft, Suuberkeit und Sympathie wo eim entgääge brocht wird, beeidruggt und sehr erfreut. E exzellänti Chuchi wo noch minnere Erfahrig sehr feini Mehrgäng-Menue als Nachtässe und e wunderbars Frühstück-Buffet serviert. Früehstück chasch dr au per Telefon uf`s Zimmer bstelle. Do i diesmohl e Zimmer mit Balkon und Blick uf de See gha ha, ha mr das nid loh entgoh, herrlich.

Flaniermaile im Städtli

Strandbar „Heimathafe“

Eifach locker lässig, mit wunderschönem Bligg uf e See! Für Jung, Alt und Jungbliebene. Herrliche Sound ab de 10i am Morge, durchgehend bis Zobe am 10i. Exzellänti Burger, feini Snacks, top Drinks, wunderbars Bier und en feine Iis-Kaffi. Do aktuell d WM lauft, sälbschtverständlig mit „Public-Viewing“.

Sehr gärn wieder!