Schnappschuss
Zur rächte Zyt am rächte Ort. Dr entschaidendi Augebligg in eme Bruchteil vo e paar Sekunde. Kai Inszenierig und kai Zyt, sich in Pose z wärfe. Sig`s e Bild oder Video- so entstöhn Schnappschüss. Sälbschtverständli us eigener Hand.
❗I empfiehl die Bilder so wie au d Website am PC z gniesse und d Video in Grossbild ❗
„E Müschterli“
Bim tanke fertig stieg i ins Auto. I lueg in Rüggspiegel und seh die Szene. Ha miesse schmunzle und ha nid chönne wiederstoh. Guet isch`s e tönti Schiibe gsi.😏
Mache sie Pause, isch e Dritte im Loch ? In dr hütige Zyt sehn sie viellicht uf em Smartphone s glich, wie dä im Loch. Meh weiss es nid. „Guet hän sie kai Chopfhörer a, falls ein im Loch um Hilfe schreyt!“
Bilder
Tier
Natur
Kurioses
Graffiti
Video
„Z ersch e friedliche Gaumeschmaus vo de zwei Gröschte, bis die Chlaine chöme.“
Ersch Dehei wo i d Ufnahm abgspielt ha, han i gseh was sich do alles abgspielt het. Die grossi schwarzi Biene „Wouw“! Dasch de Uslöser gsi, dass i überhaupt e Video gmacht ha. No nie gseh, e blau, schwarzi Holzbiene. Die gröschti Biene in Mitteleuropa und in dr Sunne, wunderschön!
Lueg gnau ahne, am beschte Vollbild! Dr frächi Agriff uf d Hummle und denn dr Kampf vo de zwei Chlaine, rächts im Hintergrund. Do goht d Poscht ab, doch d Holzbiene loht`s cool. Gäge Schluss chunnt e 2ti Hummle, cho luege ob d Kollegin oder de Kolleg Hilf bruucht.🤗
D Tierwält so schön si au isch, so brutal cha`s zue go. D Meinig über d Menscheit b halt i für mi.
Milan im Flug
38 Sekunde duureschnuufe und gniesse! I glaub am Schluss luegt mr dä edli Milan no in d Auge. 🤗
Grüenspächt
Wunderschön, jedoch e Ufnahm durch`s Fänschter.
Bachstelze
Z ersch han i gmeint, sisch e jungi Elschtere. Leider au e Ufnahm durch`s Fänschter.