„Mayonnaise“ sälbergmacht
So chasch am Ganze e aigeni Würzi geh. Ob zum ne Salat oder eifach e Chlöpfer mit emene Stück Schwarzbrot. E Gaumeschmaus. Und de weisch, was drin isch.
Kochutensilien
- 1 Gfäss hoch (de Stab-Mixer MUESS bis an Bode cho)
- 1 Stabmixer mit Uffsatz (nid Schwingbäse)
Zutaten
- 1 Ei (usem Chüehlschrank)
- 1 TL Sänf
- 1 TL Salz
- 1 TL Zucker
- Pfäffer nach beliebe (y nimm Zitronepfäffer)
- 180 ml Raps-Oel
- 1/4 Zitrone, de Saft devo (s goht au e Sprutz usem gääle Fläschli)
Anleitungen
- Z ersch schlosch s ganze Ei ins Gfäss. Denn gisch die räschtliche Zuetate dezue. Am Schluss s Oel. D Reihefolg spielt kei Rolle, eifach als erscht`s s Ei und als letscht`s Oel.Jetzt chunnt s Wichtigscht. Wenn di nid dra haltisch, chas in d Hose go. Korrigiere isch nid eifach.
- 1.Mixstab im Ruehzuestand, cherzegrad ins Gfäss stelle. E fiene Druck uf e Bode und voll starte. Aber am Bode bliebe und nid rühre, dass isch "ein Muss"!2.E Bligg druff und wenn de sesch, dass sich am Bode tatsächlig scho fertigi Mayonnaise bildet (de Mixer immer laufe loh) ziesch de Stabmixer langsam grad nach obe. Die fertigi Mayonnaise wird dir folge. Schnäller darfsch nid nach obe zieh. Also schön behuetsam und immer grad nach ober zieh, jo nid afo rüehre. 3.Wenn z oberscht a chunnsch, darfsch die oberschti Schicht Öl ruhig langsam fertig rühre, in däm glichzytig e weneli uffe/abe bewegsch.☝🏼ABER immer laufe loh und nid abe go ume guusle! Heb Geduld, wirsch es schnäll dusse ha.Vor allem macht sich`s Ergäbnis bezahlt!PS: Bi dr näggscht Mayo, folgt e Video.
Notizen
Stabmixer use, Finger ihne und probiere. Glaub mr s chunnt dr „Wouw-Effekt“, so eifach isch`s. Wenn`s dr z faad isch, rüersch mit emene Löffel langsam no e weneli Salz drunter. Ohni Zuesatzstoff, i find`s genial. Mi Gfäss git a schliessend immer e mittelgross Konfi-Glas voll. D Hälfti bruuch i amig denn grad für e Wurscht/Chässalat. So rendierts au grad. Vorsicht => Im Chuehlschrank wird e Haltbarkeit vo ca. 1,2 Tag empfohle. Däng dra sisch e roh Ei dinn. Ha zwar immer guet 3,4 Tag dra zerrt und no nie Problem gha. Guet, i ha au efang e Maage wie……. 😉 E guet`s Glinge und „Lass es Dir Schmecken“!